ఒంటరిప్రేమ

ఒంటరితనమా నాపై నీకెందుకింత ప్రేమ?

వెన్నంటి వుంటావు వెన్నంటి మది నీది   

గోదారి ఎదలో కన్నీటి కథలా
నాదారిలో నడిచొస్తూ ఉంటావు
ఒంటరితనమా నాపై నీకెందుకింత ప్రేమ?

తెల్లారినపుడు ఎర్రని కనుదోయివా
కాటేసిన కలల గురుతుగా!
మసకేసినపుడు చల్లనితెమ్మెరవా 
మరపులేని గుర్తుల లాలి పాటగా!  
తెగని బంధం నువ్వా, ప్రేమగంధం నువ్వా
ఆశవు నువ్వా, అడియాసవూ నువ్వా, ఓ తుంటరి
ఒంటరితనమా నాపై నీకెందుకింత ప్రేమ

                                                               -----------వంశీ