అంతరంగధ్వానం

ఈ క్షణం, ఈ హృదయతీక్షణం, 

పడమట కెంజాయలు పులిమిన సందె కాంతిలో,

అలలు పరిచిన గగనపటలం!
అలరులు మత్తడి పోసే తీపి మత్తులో, 

చివురును మెత్తగ తాకే గాలి సంతకం!
తెమ్మెర చాటున ఊరేగే తుమ్మెద గొంతున స్వరసప్తకం!
ఉదయకిరణపు మువ్వలపై గువ్వలు కూసే వెలుగు రేఖల దీపశిఖ!
సజలమేఘసంచలిత ప్రభాస ప్రకాశ ప్రజ్వలిత విద్యుల్లత!
మదనమంజూష శతసహస్రకుసుమశరాఘాత సమన్విత!
సువర్ణరంజిత తేజోద్దీపిత నిరుపమాన సుశోభిత పారిజాత!
రత్నఖచిత ముకుళిత నవమోహన పద్మరూపిత!

                                                                          ------------వంశీ