నా సాంతం నీ సొంతం

పల్లవి:

తొలిసారి లోకం చూసే

వరమచ్చే దైవం నువ్వే

ప్రతిసారి రుణమే తీరే  

ప్రణమిల్లే పాదం నీదే

నాలోని ప్రాణం కన్నా నువ్వే మిన్న

నా శ్వాసకు రూపం నువ్వేనమ్మ

నా బ్రతుకు పాటల్లోన పదమే అయినా

భాషే అయినా నువ్వేనమ్మ || తొలిసారి లోకం చూసే ||

చరణం 1:

నా గుండెకే లయనిచ్చినా

నా గొంతుకే మాటిచ్చినా

నీ తనువునే పంచిచ్చినా  ఏ ప్రతిఫలం నువుకోరవే

బుడి అడుగునే నడిపించిన

తడి కన్నులే వెలిగించిన  

ఓ కోవెలై నువు కదలగా ప్రతి పూజలో ఓ పువ్వునై పోనా

నా జీవనాదంలోనా శ్రుతులే అయినా

స్వరమే అయినా నువ్వేనమ్మ || తొలిసారి లోకం చూసే ||

చరణం 2:

నీలో కరుణకు రాళ్ళే కరగవా

చూపే ఓర్పుకు భూమైనా మురిసేగా

చీకటి దారిలో చంద్రుని చూపుగా

నాలో కాంతివై  నడిపేది నువ్వేగా

కష్టాలే కాల్చినా కడదాకా సాగనా

నీ పిలుపు శతమానం అంటుంటే దీవెనగా

కీడైనా చేరునా నా ఆయువు తీరునా  

నీ పేరే మంత్రంగా ప్రతిరోజూ చదవంగ

నా ప్రేమ సంగీతం అమ్మా 

నా సాంతం నీ సొంతం అమ్మా || తొలిసారి లోకం చూసే ||

                                                                  -----------------వంశీ