ఎందుకిలా ??

పంచప్రాణాలలో పంచదారలు చిలక,
పలుకుల పంచవన్నెల చిలక...
చేరలేని దూరాల్లో ఎగురుతోందా?
ఎప్పుడో కన్న రంగుల కలను, అలిమే కారుచీకటి మింగేసిందా?
ఇపుడే వస్తానని వెళ్ళిన వేకువ, ఆకాశతీరాల్లోనే విడిది చేసిందా?    
కళ్ళ కాలువల గుండా కావేరి కట్టలు తెంచుకున్నట్టు,
పొగిలి పొగిలి పొంగే ఈ నీటిముత్యాలు ఇక ఆగవా?  
ఒళ్ళంతా పల్లేరు ముళ్ళకంచెలా....
ఎప్పుడూ లేనిది ఎందుకిలా.....
దుఃఖపు సెగలలో ఆవిరవుతూ,
పదాలు భావప్రమిదలై కాలిపోతూ,
మాటలు గద్గద గమకమవుతూ,
అంతరంగం అవ్యక్తమవుతూ!!

                                                                         ----------------వంశీ