నుదురూ నామాల వాడు, వెదురూ నాదాల వాడు
తలచు వారి ఎదలందు ఎల్లపుడు మెదలేటి వాడు!
తిరునగమూ మీది వాడు, మర్రాకూ తెప్పల వాడు
సింగారి సిరులదేవి శ్రీలు కురిసే లోకాల రేడు!
కొలనుదరి కొంటెగాడు, మన్నుతిన్న మాయగాడు
కొనగోటా కొండను ఎత్తే బంగారుకొండ వీడు!
పాముపడగ నీడలతోడు, పాల అలల నిదురించు వాడు
అడుగులతో అవనిని కొలిచే పూవరపు చూపుల వాడు!
నీలిమబ్బు రంగుల వాడు, నెమలికన్ను పింఛము వాడు
కాళింది మడుగున ఆడే వామనపు అడుగులవాడు!!
----------------వంశీ
0 comments:
Post a Comment