మబ్బుపట్టిన నా జాతి జాగృతికి
శమనపాశాలు వదిలించి
సంకుచత్వాన్ని సడలించే రుద్రవీణ మోగించేదెవ్వడు?
ఏలికల విషక్రీడలపై అగ్నిధార కురిపించేదెవ్వడు?
బతుకున వెలుగురేఖలు నింప మరో తూర్పై పుట్టేదెవ్వడు?
నేను ఆంధ్రోడిని కాను, తెలంగాణోడినీ కాను
ఇచ్ఛగా పచ్చలు పూసే అక్షరాల మచ్చలు పడగా
బడుగులు గోడున కన్నీటిరాగం పాడగా
జనాభ్యుదయం చరమాంకమై, జనశ్రేయం శవమైపోగా
చేవలేక చేష్టలుడిగి చచ్చిన
తెలుగోడిని, అవును నేనొక తెలుగోడిని
---------------- వంశీ
0 comments:
Post a Comment