నీరాజనం!

దేవుళ్ళను కన్నది అమ్మ!
నా పాలిట దేవత అమ్మ!
నా ప్రాణాల ప్రణవమంతా అమ్మ!
ఆమె సహనం సరిలేని మేరుపర్వతం!
ఆమె పంచే పాశం, తీర్చలేని ఆకాశమంత ఋణం!
ఆమెది గరిమల కని పెంచిన ఘన చరితం!
అమ్మ హృదయం వన్నె తరగని వైభవాల ప్రేమ సింహాసనం! 
అక్కడ అనుక్షణం అనురాగాలకు పట్టాభిషేకం!   
జన్మలంటూ ఉంటే జన్మ జన్మకూ మా అమ్మకే జన్మించాలని, ఒక చిన్న స్వార్థం!
ఆమెకు నీరాజనాలతో అంకితమిస్తున్నా ఈ మాటలపూల అక్షరమధుపం!   
                                                                                ------- వంశీ