మసిబారే మనిషి ఆలోచనల్లో నలిగి వసివాడిపోయావా?
రాగద్వేషాల మంటల్లో పొగచూరిపోయావా?
మతోన్మాదపు యుద్ధభూమిలో హత్యకు గురయ్యావా?
స్వార్ధం బలిదానం కోరితే త్యాగమనుకుని మోసపోయావా?
అభాగ్యుల కన్నీటి సముద్రాలలో మునిగిపోయావా?
బలయ్యే బతుకుల విలాపం వినలేక శిలగా శిథిలమయ్యావా?
విలువలకు చితులు పేర్చే స్మశానప్రపంచపు నీరవ నిశీథిలో,
నువ్వు ఇసుమంతైనా కానరాక....
కడ లేక నీతో కలిసి నడిచే ప్రేమతత్వానికి దిక్కుతోచక...
ఇక వెతకలేక అడిగిందా....
మానవత్వమా! ఎక్కడమ్మా నీ చిరునామా??
----------- వంశీ
0 comments:
Post a Comment