గెలుపు మజిలీ

ఎన్నో ఉలిదెబ్బలు తినాల్సిందే,
ఒక శిల శిల్పంగా మారాలంటే!
మట్టిని చీల్చుకు పుట్టాల్సిందే,
చిన్న విత్తైనా చెట్టై ఎదగాలంటే!
మెరిసే బంగారమైనా  కొలిమిలో కాలాల్సిందే,
తనకో రూపం పొందాలంటే!  
అందాలతో మురిసే మేఘమైనా కరగాల్సిందే,
వానై నేలకు దూకాలంటే!   
ఆగని కాలమైనా నడిరేయిని దాటాల్సిందే,
వెలిగే ఉదయపు వెలుతురు పిట్టై ఎగరాలంటే!
ఓరిమితో ఓటమి స్వారీ చేయాల్సిందే, గెలుపు మజిలీ చేరాలంటే!!   -- వంశీ