నగవులు చూపర నందకధరా!

పల్లవి: నగవులు చూపర నందకధరా
నొగిలిన జగముల ఆరడితీర

1: ఇనచంద్రులదె వెలుగ నీ కనుదోయిగా
కనకకళలమరె మేనిజిగి తేజరిల్లగా
అనంతరూపుడవై అలరారు అనిశముగా
వినుతికెక్కితివి శ్రీ వేంకటేశ మూలగరిమగా ||నగవులు||

2: వరుసనేడుగిరులై వెలసిన వేలుపవురా
పరుసము నీవె మాకు సొమ్ములేటికిరా
అరమరికలు లేక అందరి చేకొందువురా
వరములు కొల్లగ చల్లగ సిరిమనోహరా ||నగవులు|| 
                                                                 ---వంశీ