నెయ్యపు తియ్యందనం

చిరు చిరు గురుతులన్నీ చిగురుపచ్చగా...
చిన్ని చిన్ని అల్లర్లన్నీ గోరువెచ్చగా...
మనసుతీరని ముచ్చట్లకు మరపు లేక...
పదిలంగా ఈ పదేళ్ళ నెయ్యం పదికాలాలుగా...
గుండెకూ గుండెకూ వంతెనలేసుకున్నాం
రాగద్వేషాలన్నీ వడబోసుకున్నాం
నవ్వురంగు పూలెన్నో బతుకుమీద చల్లుకున్నాం
ఇగిరిపోని స్నేహగంధాలన్నో పులుముకున్నాం
కాలం వాకిట ఇదిగో ఇలా నిలుచున్నాం!
(కాలేజ్ మిత్రులతో మైత్రీబంధానికి పదేళ్ళ వయసొచ్చిన సందర్భంగా)
                                                                              ---------వంశీ