నన్ను నేను కనుగొన్నా

అపుడెపుడో కలగన్నా,
ఆ మాటపెగలని మౌనమైనా రాచిలుక రాగమని,
నను తడిమే చూపులన్నీ తన కళ్ళకు పూసిన కలువపూలని,
తగిలే ఊపిరి గంధమైనా గానవిహంగమని,
ఎరుపెక్కిన తన చెక్కిలే కందిన చంద్రుడని,

ప్రణయవనమంతా నను తన జడలో దండగుచ్చే దారమని,
కలిసి వేసే అడుగులన్నీ వినువీధి విహారమని,
అంతలో, నిమిషాలు క్షణాలయ్యే కాలమెరుగని వింతలో,
ఇపుడిపుడే కనుగొన్నా,
నా కలలన్నీ నిదురలేచే నిజాలేనని,
ఈడు జరిపే దాడులన్నీ నీ జాడలేనని!
                                                        --------------వంశీ